2017 жылғы 23 ақпанда Ташкент қаласына Қазақстан Республикасы мен Өзбекстан Республикасы арасындағы Екіжақты ынтымақтастық жөніндегі бірлескен үкіметаралық комиссиясының (бұдан әрі – ҮАК) 16-ші отырысына қатысу үшін жасалған жұмыс сапары шеңберінде ҚР Премьер-Министрінің Бірінші орынбасары Асқар Мамин Өзбекстан Президенті Шавкат Мирзиёевпен кездесуді өткізді.

Кездесу барысында бүкіл сауда-экономикалық байланыстар тұрғысынын елдер арасындағы ынтымақтастықтың келешектері талқыланды.

Президент Ш. Мирзиёевтің атап өтуінше, – «Орталық Азия өңірінде Қазақстан Өзбекстанның ірі стратегиялық сауда серіктесі болып табылады». Президенттің айтуынша, екі елдің қарым-қатынастары экономикалық ынтымақтастықтың жаңа даму сатысына қадам жасап отыр.

ҚР Премьер-Министрінің Бірінші орынбасары А. Мамин Мемлекет басшысы Нұрсұлтан Назарбаевтың Өзбекстанмен ынтымақтастықты дамытуға ерекше көңіл бөліп отырғанын баса айтты.

Кездесу шеңберінде Қазақстан Премьер-Министрінің Бірінші орынбасары өзбек әріптестермен жүргізілетін жұмыс жүйелі түрде іске асырылып отырғанын хабарлады. Негізгі салаларда бірлескен сауда үйлер құрылды: агроөнеркәсіп кешені, химия және мұнай-химия өнеркәсібі, өзара жеткізілімдердің номенклатурасы арта түскен. Автомобиль құрастыру, туризм мен мұнай-химия сияқты бағыттар ынтымақтастықтың жаңа өрістері ретінде айқындалды. Бірқатар инфрақұрылымдық жобалар бойынша нақты уағдаластықтар бар, оның ішінде автобус пен әуе қатынасының орнатылуы, Астана-Ташкент бағытындағы әуе қатынасты аптасына 6 ретке дейін арттыру. Жақын арада Алматы-Ташкент бағытындағы жылдам темір жол қатынасы іске қосылатын болады. Сонымен қатар, Қазақстан мен Өзбекстанның әскери мен әскери-техникалық ынтымақтастығы саласындағы ынтымақтастықты орнату жайлы уағдаластықтарға қол жеткізілді.

Белсенді өңіраралық ынтымақтастықтың басталуына түрткі берілді, бүгінгі күнге дейін Қазақстан мен Өзбекстан арасындағы облыстарының делегациялары өзара сапарларын жасады.

2016 жылы екі ел арасындағы тауар айналымы 1,6 млрд. АҚШ долларын құрады. Ақшалай ретінде өзара сауданың көлемі дерлік 40 % ұлғайды. Аталған көрсеткішті 2020 жылға дейін 1,6-дан 5 млрд. АҚШ долларына жеткізу деген тапсырма берілді.

Кездесудің қорытындысында Президент Ш. Мирзиёев Өзбекстан Республикасы мен Қазақстан Республикасы арасындағы өзара тиімді және жан-жақты қарым-қатынастардың дамуына қосқан үлкен үлесі үшін, елдердің темір жол көлігі саласындағы ынтымақтастықты кеңейту мен тереңдетуге қосқан жеке үлесі үшін, сондай-ақ Орталық Азиядағы өңірінде ірі өңіраралық көліктік дәліздерді іске қосылуда танытылған белсенді қатысушылық үшін Асқар Маминді «Дустлик» орденімен марапаттады.

Өзбекстан Премьер-Министрінің Бірінші орынбасары Ачилбай Раматовпен болған кездесуде ҮАК 16-ші отырысының маңыздылығы Өзбекстан Президенті Ш. Мирзиёевтің Қазақстанға жасалатын алдағы тұңғыш мемлекеттік сапары тұрғысынан атап өтілді.

Тараптар сауда-экономикалық ынтымақтастықты одан әрі кеңейту, ауыл шаруашылығы, көлік пен логистика, транзит және т.б. саласындағы байланыстарды одан әрі нығайту мәселелерді талқылады.

Сұхбаттастар атап өтті, өңірдің экономикалық ынтымақтастығында негізгі назар өнеркәсіп кооперациясы мен бірлескен инвестициялық жобалардың іске қосылуына бөлінуі тиіс.

А. Раматовтың айтуынша, «Біз Қазақстанмен белсенді ынтымақтастықты жүргізуге және бірлескен жобаларды іске қосылуға дайынбыз. Өңіраралық ынтымақтастықтың кеңейтуі, сөзсіз, сауда-экономикалық пен инвестициялық өзара әрекеттестіктің белсендіруіне ықпал етеді».

Ташкент қаласына жасалған сапары аясында ҚР Премьер-Министрінің Бірінші орынбасары – ҮАК тең төрағасы А. Мамин 16-ші Комиссиясының отырысына қатысып, сөз сөйледі.

Комиссия отырысының жұмысына Қазақстан мен Өзбекстанның үкіметтік делегациялары қатысты.

ҮАК отырысы шеңберінде екіжақты ынтымақтастықтың энергетикалық, кеден, мұнай мен газ саласы, көлік пен транзит, туризм, ғылыми-техникалық және мәдени-гуманитарлық, сондай-ақ әскери мен әскери-техникалық саласындағы мәселелері егжей-тегжейлі пысықталды.

Кездесудің қорытындысында ҮАК тең төрағалары Асқар Мамин мен Ачилбай Раматов тиісті Хаттамаға қол қойды.