2017 жылғы 18 мамырда Ватиканда Қазақстанның Елшісі Жанар АйтжановаРим Папасы Францискіге сенім грамоталарын тапсырды. Іс-шараға Кардинал Пьетро Паролин – Қасиетті тақтың Мемлекеттік хатшысыжәне Ватиканның бірқатар жоғары лауазымды тұлғалары қатысты.

Сұхбат барысында Ж. Айтжанова Қазақстанның сыртқы саяси бастамаларын атап өтіп, әлемдегі бейбіт өмір мен тұрақтылықты алға жылжыту бойынша өзара іс-қимыл Қазақстан мен Ватикандыбіріктіретінін айтты.

Өз кезегінде, Рим Папасы Франциск әлемдегі қауіпсіздік және сын-тегеуріндер мәселелері туралы пікірлерімен бөлісті. Ол бүгінгі экономикалық және қаржы ахуалы қоғамның талаптарына толық жауап бермейтініне ерекше көңіл аударды. Жанжалдардың өсуіне ықпал ететін басқа да фактор ретінде, өз мақсаттарына жету үшін дін туралы теріс түсінік беру, дінге қиянат ету, Алла Тағала атымен айла-шарғы жасау атанды.

Понтификтің пікірі бойынша, әлемдік экономика және қаржы жүйелерінің жауапкершілігі, сондай-ақ бейбітшілік пен тұрақтылықтың негізгі инструменті диалог және дипломатия аталған сын-тегеуріндеріне жауабы болуы мүмкін.

Осыған орай, қазақстандық Ешлісі Президент Нұрсұлтан Назарбаевтың бастамасы 2018 жылы Астанада өтетін Әлемдік және дәстүрлі діндер лидерлерінің кезекті отырысы «Діни көшбасшылар қауіпсіз өмір үшін» тақырыптың аясында өтетінін хабардар етті.

Кездесу соңында понтифик Қазақстан Президентіне және Қазақстан халқына жылы лебіздерін білдіріп, қазақстандық дипломатқа табысты және жемісті қызмет тіледі.

Қасиетті Тақтың Мемлекеттік хатшысымен келіссөздер барысында  тараптар екіжақты ынтымақтастықтың ағымдағы жағдайы мен оның келешегін талқылады.

Мемлекеттік хатшының айтуынша, халықтар достығының табысты тәжірибесі және 100-ден астам ұлттар мен 18 конфессиялардың бейбіт қатар өмір сүруі Қазақстанды өңірлік қана емес, сондай-ақ әлемдік деңгейдегі дінаралық төзімділікті және келісімділікті қамтамасыз етудегі айрықша рөлін ұштай түседі. Осыған Астанада Әлемдік және дәстүрлі дін лидерлері съезінің өтуі ерекше үлес қосады. 

Кардинал Паролин екіжақты ынтымақтастықты дамытудағы қарқынды алаңдардың бірі ретінде «ЭКСПО-2017» халықаралық мамандандырылған көрмесін атап өтті. Әлемдік көрме қозғалысының алғашқы құрылу күнінен бастап (1851 ж.) Қасиетті Тақ оның ең белсенді қатысушыларының бірі болып табылатынын атап өткен жөн. Астанада өтетін көрмеде Ватикан павильонында жеке адамға және адамгершілікке энергияның әсер ету тақырыбын ашатын экспозициялар ұсынылады.

Өз сөзінде Ж. Айтжанова Қазақстанның үшінші жаңғыруы, конституциялық реформасы, Қазақстанның халықаралық бастамалары, оның ішінде Қазақстанның 2017-2018 жылдарға БҰҰ Қауіпсіздік Кеңесінің мүшесі ретінде жұмысының негізгі бағыттары және Сириядағы дағдарысты шешу мақсатында Астана алаңын келіссөздер өткізу үшін ұсынысы бойынша айтып берді. Осы орайда, Қазақстанның Елшісі Кардинал Паролинді 2018 жылы өтетін Әлемдік және дәстүрлі дін лидерлері съезінің жұмысына қатысуға шақырды.